Tuesday, December 31, 2013

ШИНЭ ЖИЛИЙН МЭНД ХҮРГЭЕ.

2013 оноо амжилт бүтээлээр үдэж, ирэх 2014 ондоо улам ихийг бүтээж, амжуулахын хүсэн ерөөе.

Friday, November 22, 2013

Яармагийн гүүрийн Банхар

Яармагийг гүүрээр гарах болгондоо сүүлийн үед ажиглаад байгаа нэг зүйлийн тухай Энд өгүүлсэн байх юм.
Гүүрээр гарахдаа нөгөө "Банхар байна уу" гэж нүдэнд дулаахан нохойгоо хайх болсоор би бээр уджээ.
Яагаад доглон болчихсон юм болдоо, машинд дайруулчих вий дээ гэж харах болгондоо дотроо санаа зовохоос хэтэрдэггүй юм.
News.mn дээр эзэнтэй болгох талаар бичжээ. Сайн эзэнтэй болвол сайхан хэрэг... Банхарын сэтгэлийн гүн дэхь эзэнг гүйцэх эзэн гэдэг яггүй байх.
Харин гүүрэн дээр нохой байгааг анхааруулсан тэмдэг, жолооч нар Банхарт хүндэтгэлтэй хандах талаар сэрэмжлүүлэг тавих зэрэг арга хэмжээг авбал зүгээр санагдаж байна. Хүний сэтгэл гэдэг өчүүхэн зүйлээс эхтэй билээ.
Цаашилбал эрэн сурвалжилсан нэвтрүүлэг хийвэл гоё сэдэв болно доо.
Банхартаа амжилт хүсье.

Monday, November 4, 2013

Хустайд

Өчигдөр тэнгэр сайхан, амралтын өдөр тул хотоос гарлаа. Явган аялагч клубтай хамт явсан болохоор алхана гэдгийг үзүүлээд өгөв. Уулаар явсан учраас жирийн алхалтаас огт өөр, бага гэхээрээгүй хөдөлгөөн шаардсан алхалт боллоо.
Алхаж байхдаа буга, тахь зэрэг зэрлэг ан амьтад харж баясав. Даанч би сүүлд голдуу явсан болохоор олигтой зураг авч чадсангүй. Харамсаад барашгүй...
Сайн харвал, цаана нь тахь байгаа.

Wednesday, October 23, 2013

Зуны зураг

Алсаас цэнхэртэн харагдах их нурууг Улаан чулуутын нуруу гэдэг

Saturday, October 19, 2013

Таавар-3

Анаашийг хөрөгчинд хэдэн үйлдлээр хийх вэ?
Усны үхрийг хөрөгчинд хэдэн үйлдлээр хийх вэ?
Ойн бүх амьтад цуглажээ ямар амьтан ирээгүй вэ? Энэ 3 асуулт 3-уулаа холбоотой шүү.
Манай охин таалгаж байгаа юм шүү.

Friday, October 18, 2013

Ажлын туршлага хуримтлуулах анхны алхам

Анхны алхам бүр хүний сэтгэлд дурсамж тод үлдээдэг.
Оюутан байхдаа зуны амралтаараа ажил хийх гээд их гүйдэг байлаа. 
Анх удаа албан орчуулга хийсэн минь
Аялал жуучлалын компанид хөтөч хийх болов. Хамгийн анх бие дааж явах болоод хот танилцуулах бэлтгэлээ базаалаа. Жуулчид маань хөтөч авна, хаагуур явахаа өөрсдөө шийднэ гэсэн "ЧӨЛӨӨТ" хөтөлбөртэй нөхдүүд байсан юм.  Орой нь онгоцны буудал дээр очтол, 4 Япон өвгөн /тэр үед би тэгж бодсон юм, 50 орчим насны л хүмүүс байсан байх/ ирлээ.

Thursday, September 26, 2013

Шинэ Улаанбаатар Олон Улсын Нисэх онгоцны буудлын барилгын ажлын явц

Олон Улсын Нисэх буудлын ажлын явцыг ажлын шугамаар явж байхдаа авсан юм. 
Ямар ч байсан олон жил яригдаж байсан ажил бодит ажил болж байгаад баяртай байна.

Энэ оны 6-р сарын сүүлээр шинэ нисэх буудлын газар иймэрхүү байдалтай байв.

9-р сарын дунд үе. Терминалын ажлын явц.

Ийм кран 4-г энэ талбайд угсрах юм гэсэн. Аргагүй том бүтээн байгуулалт юмаа.

Friday, August 30, 2013

Модтой чихрээсээ л дээ...

Найзууд. Хуваах, хуваахгүй юм гэж бас байдаг юм байна.

Friday, August 16, 2013

Даварсан "гарууд"-аас салах боломж иржээ

Сүүлийн үеийн мэдээг сонсоод дуугүй суумааргүй санагдаад явчихлаа.
Оюутолгой далд уурхайгаа хааж, хэдэн зуун хүнийг ажилгүй болгож байх шиг байна. 
Эхний ээлжинд хөдөлмөрийн гэрээг цуцлах тухай мэдэгдлийг ажилчидад гардуулж орхиод Монгол Улсын Засгийн газрыг шахаанд оруулах бодлогоо явуулж байна уу даа гэхээр хар төрөх боллоо.

Friday, August 2, 2013

Охины сонин сайхан

Охин маань зуныхаа амралтаар Японы нэгэн сургуульд сурагч солилцооны хөтөлбөрт оролцон бараг 2 сар болоод ирлээ. 
Япон явах хүсэл нь дийлээд Япон хэл бие дааж 8 сар  орчим үзэж, үндэсний бүжгийн бэлтгэл хичээлийнхээ хажуугаар хийсээр, Япон сургуулийн хариуг яван явтлаа хүлээж, шийдвэр нь тулгамдуу гарсан тул сандруухан явсан юм.

Friday, July 26, 2013

Аялалаас төрсөн гомдол

Тэрхийн цагаан нуурт Тэрхийн гол, Нарийн, Шанаат, Сөрт гэх мэтийн арав гаруй гол горхи цутган ганцхан Суман гол эх аван урсдаг. Нуураас эх авсан Суман гол өвөлдөө эх хэсэг нь хөлдөхгүй харзална.
Суман гол нь хадан хавцал, асга дундуур урсах уулын түргэн урсгалт гол, ойролцоогоор 50 гаруй км урсаж Чулуут голын зүүн гарт цутгадаг. Голын 2 талын асга, хадан хавцал, хясаа бүр дор бүрнээ утга агуулсан нэртэй, хад, тошлой, үхрийн нүд, нохойн хошуу гэх мэт байгалийн жимс элбэгтэй. 
Намайг бага, дунд сургуульд сурч байхад манай нагацынхан голдуу Суман голын "Хавтгай олом" гэх газар зусдаг байлаа.
Хавтгай оломын өвөр талд "Цагаан уул" хэмээх алсаас бараантан сүрлийх нэгэн уул бий. Тэндээс Архангай аймгийн төвөөс (бодвол аймгийн барилга трест байлгүй дээ) машинаар уулын шороог зөөдөг байлаа. Мэдээ орсон цагаасаа хойш нутгаараа яваагүй байж байгаад сая очтол "Цагаан уул"-аас минь шороог зөөсөн хэвээр ажээ. Дотроо харамлах сэтгэл төрж муу уулыг минь дуусгах нь л дээ, одоо болтол зөөсөөр гэж үү гэж халаглав. Нутгийн хүмүүс "шороо" гэдэг ч байгалийн цэвэр карамизет юм байна. 

Monday, July 22, 2013

Төрсөн нутагт зорчсон тэмдэглэл

Аав, ээж ахан дүүсийн хамт төрсөн нутагтаа хэд хоног амраад ирлээ. 
Архангай аймаг, Цэнхэр сум. Урд Тамирын голын бургасанд хоноглов. Урд Тамирын ус маань маш их багасжээ.  Ер нь миний багынхыг бодвол аль ч голын усны түвшин маш их багассанг хараад, гуниг бас харуусал төрнө.

Хээрийн хоол, гялалзтал майхан саваа барьж, хоолоо хийж идэн өдрийн ядаргаагаа гартал сайхан унтаж амарлаа.

Цэнхэр сумаас Архангай аймгийн төв явах замд байдаг Янгирын хөшөө. Багадаа сайн харж байсан болохоороо юуны хөшөөг нь мэдээд байгаа болохоос одоо бол хадаганд ороолтой нэг амьтан гэж харагдахаар...

Thursday, July 11, 2013

Сайхан наадаарай

Блогоор минь орж гардаг үл таних та бүхэн  минь сайхан наадаарай. Наадмын дараа явсан газрынхаа сонинг оруулах тул зав гаргаж манайхаар зочилно уу.

Wednesday, May 1, 2013

Үми хотарү буюу "Далай дээрх Зайсан"-д бичсэн тэмдэглэл

Миний очих газруудыг жагсаасан жагсаалт дотор "Далайн хотарү" гэсэн үг байхаар нь "Хотарү" гэж юу вэ? хэмээн асуутал  хөтөлбөр хийсэн Япон "Аан, нэг тийм, шөнө гэрэлтдэг хорхой байдаг юм" гэж хайнгадуухан хэлсэн тул олон юм лавлаж асуусангүй. Дотроо харин гэрэлтдэг хорхойгоор  яадаг байнаа, үзэх л ёстой юм байхдаа ухааны юм бодоод өнгөрч билээ.
Доор "гэрэлтдэг хорхой" дээр очоод авсан зурагнаасаа орууллаа. 
Энэ бол Японы Кавасаки хот, Чиба хот хоёрыг далай дээгүүр холбосон байгууламж юм байна. Тэнд очсон хойноо, Далай дээрх "Зайсан" гэж би нэрийдэн, аялал жуучлалын нэгэн аятайхан цогцолбороор хагас өдөр тэнүүчлэв.
Кавасаки хотоос хурдны замаар гарч тунелиэр 9,5 км яваад "Үми хотарү"-д буудаг. Энэ тунель нь далай усан доор баригдсан байгууламж бөгөөд өгсөх, уруудах сөрөг урсгал бүхий хос тунель.
Кавасаки хотоос гарч Үми Хотарү-д буухад. Эндээс цааш Чиба хүртэл далай дээгүүр 5,3 км хурдны замаар явна.  Хөдөлгөөн шилжих энэ уулзварын урт 300 м орчим.

Monday, April 1, 2013

"АКАШИ КАЙКЁО" Bridge

Акаши Кайкёо гүүр нь Японы Хёого мужийн Кобэ хот болон Шикогү арлын Аважи хотыг холбосон дэлхийн хамгийн урт дүүжин гүүр юм.

Wednesday, March 27, 2013

ТОКИО хот дахь "SKY TREE" байгууламж

Токио хотын төвд өнгөрсөн жил баригдаж, дэлхийн хамгийн өндөр цамхагт ороод байгаа "SKY TREE" цамхагаар аялах завшаан надад тохиов.
2012 онд уг цамхаг нь ашиглалтанд орсон бөгөөд, 634 м өндөр, металл карказ нь 36000 t, нэг удаад хүлээн авах хүний тоо 2000 (350 м)+900 (445 м), цахилгаан шатны хурд нь 600м/ минут ба, 350 метрийн өндөрт гарахад 50 секут орчим болж байсан.
"SKY TREE" цамхаг
Тус цамхаг нь тэнгэр өөд тэмүүлэх аварга том модыг илэрхийлэх гайхамшигтай загвартай, Японы уламжлалт уран барилгын аргаас санаа авсан, ногоон дэлхийн хүмүүс аварга модны доор цуглан чөлөөт цагаа өнгөрөөх соёл хүмүүжлийн төв болгохыг зорьсон байгууламж юм байна.

Monday, March 4, 2013

Bertie Higgins - Casablanca (Lyrics)

Семинарын сонин сайхан

Саяхан хүний гуйлтаар семинарын орчуулганд явлаа. 
Надад тохируулсан юм шиг гүүрэн байгууламжийг шинээр барих төлөвлөлт, бас ашиглалтанд өгсний дараах засвар арчлалт, түүний хяналт, хөрөнгө оруулалтын менежмент гэсэн сэдэвтэй байв.
Улаанбаатар хотын дундуур төмөр зам гарч байгаа тул хотын урд, хойд талыг холбох авто замын сүлжээнд төмөр замыг давах шинэ гүүрэн байгууламж одоогийн хөдөлгөөний эрчмээр  шаардлагатай ангилалд оржээ.

Tuesday, February 5, 2013

Цанаар гулгаад ирлээ.

Амралтын өдөр цанаар гулгаад ирлээ.
Хүмүүс их ирдэг болжээ, 2 жилийн өмнөхийг бодвол үдээс хойш маш их хүнтэй болж байв.

Friday, January 25, 2013

Эрүүл мэндийн даатгал тойрсон асуудал-2

Өмнөх бичлэгийн утгыг тодруулбал зүгээр санагдаад...
Яагаад заавал сайн эмч дээр, мөнгө төлж үзүүлдэг вэ? гэвэл...
Эмч хүнд байх ёстой мэдрэмж, түүнийг анагаахын сургуульд заадаггүй ч байж магад, хамгийн гол нь чин сэтгэлээсээ үйлчилүүлж байгаа хүндээ үзлэгийн хугацааг бүрэн зарцуулж чаддаг учраас тэр. Ер нь тийм байх ёстой бус уу?.

Wednesday, January 23, 2013

Эрүүл мэндийн даатгал тойрсон асуудал

Эрүүл мэндийн даатгалын хураамж юунд зарцуулагддаг юм болоо? 
 "ДААТГАЛ" гэдэг чинь боломжтой үедээ, дараа эрсдэл тохиолдоход таны хохирлыг, төлсөн даатгалын чинь сангаас танд шаардлагатай мөнгийг буцааж олгох систем мөн биз дээ.
Саяхан охин минь өвдлөө, өрхийн эмнэлэг, төвийн эмнэлэгээр яваад үгдэрчихлээ. Багад нь хаяа очиж үзүүлдэг байсан хүүхдийн эмчрүү (хувийн эмнэлэг) дагуулаад очлоо. 
Үзлээ, анхны онош нь "ангина" гэнэ.  Мэдээж ханиад бас хатгалгаа авсан байх магадлал байна, сайн сонсогдохгүй юм, та 2 цээжний зураг авахуулаад ирж чадах уу? гэв, би ч уухайн тас чадна гээд хэлчихэв.

Thursday, January 3, 2013

Цуу ярианы ачаар

Ноднин жилийн явдал.
2012 оны 12 сарын 22 өдрийн үдийн хавьд, би айл хэсэх гээд явж байтал, манай  нэг  дүү надруу утасдаж байна.
...Зөв явбал зөөлөн зөөлөн замбуулин...