Wednesday, January 16, 2008

Төөрсөн хүү

Уран зохиолын ном уншиж байхад янз бүрийн сонирхолтой амьдралтай хүмүүсийн тухай их гардаг даа. Харин хамт ажиллаж байгаа хүний маань амьдрал түүхийн сэдэвтэй уран зохиолын ном шиг байна гэдэг цөөхөн тохиолдол байх.
Одоогийн ажиллаж байгаа компанид ажилд ороход нэгэн настай Япон өвгөн байв. Өвгөн манай хэлтсийн дарга байв. Их сүртэй, асуудлыг жинтэйхэн шийдчихдэг, бусад хүмүүсийн арга эеийг олоод, ажлаа явуулчихдаг яах аргагүй олон жил удирдах ажил хийсэн нь илт хүн байв.
Царай зүсний хувьд бол жирийн Япон биш, цагаан шаргал царайтай, гар хөл нь илт том, ясархуу биетэй, Оросжуу хүн байв. Яриан завсараа хаяа тоглоом шоглоомоор "хорошо" гэх мэтийн ганц хоёрхон Орос үг хавчуулан ярих нь түүний Оросжуу төрхийг улам тодруулна.
Ажилд ороод удаагүй байсан мөтлөө, нэгэн удаа "хорошо" гэх даргын хариултын хариуд Оросоор ганц хоёр мэдэх үгээ эвлүүлэн хэлтэл, намайг Монголоор хариу хэлж байна гэж ойлгож байгаагаас нь үзвэл ямар ч байсан Орос хэлтэн биш ажээ.
Өвгөн даргаас манайхан жийрхэнэ. Арга ч үгүй биз. Сүүлд сонсох нь ээ Японы "Шимизү" хэмээх барилгын том компанид олон жил ажиллаж бүр хэлтсийн дарга хүртэлх алба хашиж байсан хал үзэж, халуун чулуу долоосон нэгэн болохыг мэдсэн юм. Түүний сүртэй байдлаас жийрхдэг болоод тэр үү? хувийнх нь тухай асуудаггүй байв. Нэг удаа зүрхшээн байж асуувал их л сонирхолтой түүх хүүрнэсэн юм.
...Би 1944 онд Хятадын Манжуурт төрсөн. Миний аав дэлхийн 2-р дайнд оролцож, Манжуурт Японы эзэн хааны төлөө тулалдаж байсан. Намайг төрүүлсэн жинхэнэ ээж бол Орос хүн байв. Харин дайн Япончуудын ялагдлаар төгсөхөд миний аав намайг Япон авч буцсан. Тэр цагаас хойш жинхэнэ төрүүлсэн ээжтэйгээ уулзах алтан боломж надад тохиосонгүй. Ачтай аав, ээжийн буянаар би сайн хүн болж хүмүүжсэн ч гэсэн сэтгэлд минь "төрүүлсэн эх" минь мөнх байдаг юмдаа гэхийг сонсоод хариу юу хэлж чадаагүй билээ. Өөрөө хөгжилтэй сэргэлэн хүн тулдаа тэр хүнд байдлаас намайг гаргаж, харин ч алиа хошин юм ярьж өгч билээ.
Даргын ярианаас үзвэл ах дүү зургуулаа. Айлын тав дахь хүү бөгөөд доороо нэг эмэгтэй дүүтэй байсан гэнэ лээ. Дайнаас ялагдаад ирсэн нөхрөө, Орос царайтай хүүхэд тэврээд ирэхэд өөрөөс нь төрсөн мэт өсгөсөн манай ээж сайн хүн байгаа биз... гээд ярих нь залуу хүнд ихийг бодогдуулдаг байв.
Нэлээн дээр үеийн "NHK"-н нэвтрүүлэгээр Оросод амьдардаг нэгэн эмэгтэй өөрийн аавыгаа хайж байгаа тухай нэвтрүүлэг гарч байв. Тэр эмэгтэйн аав нь Япон хүн байжээ. Дайны дараагаас бас хэл сураг тасарсан гэж байсан. Одоо 60 гаруй настай тэр эмэгтэй, Япон хэл мэдэхгүй боловч, ази төрхтэй. Өөрийн амьдралаа ярьж, эцэг эхээ олон нийтийн нэвтрүүлэгийн хэрэгсэлээр дамжуулан хайж болох таатай цаг үе ирснийг дурдаж байв.
Улс орны үзэл баримтлал, улс төрийн байдлаас болж хувь хүний амьдрал төөрөх үе байдаг болохын жишээ энэ ажээ.

18 comments:

peakfinder said...

Hunii amidral shuluun dardan baihgui yumaa. Dainii hold nervegdej hohirson hun olon baih yum. Bid ch gesen iimerhuu yavdlaas surgamj avch, biye biyeniihee amidraliig urchihgui baih yumsan.

Arsun said...

Sonin tuuhtei hun baina. Minii awga ah tsergiin nisegch, daind oroltsoj baigaad suraggui bolson. Ter ued ah duu 3-uulaa tseregt yawaad, aawiig Halhiin gol ruu yawj baihad dain duusch, 2 ahiin 1 ni esen mend ergej irsen gedeg. Ted eh orniihoo to'oo tulaldsan gej bodohoor baharhaltai baidag yum.

sanakae said...
This comment has been removed by the author.
sanakae said...

Уран зохиолын ном уншаад ч байгаа юм шиг өвгөнийг нүдэнд харагдтал дүрсэлсэн байна шд.

ZAYA said...

peakfinder: Улс орон удирдаж байгаа хүмүүсээс болж жирийн хүмүүс ийм хэцүүг нь үүрдэг.
Хүмүүсээ, амьдаа бие биенээ хайрла гэдэг сайхан үг шүү.
Арсун: Бахархахаас аргагүй. Даан ч дайн гэж аймар гэхээс цааш ойлголтгүй болоод байх шигээ...
sanakae: Баярлалаа. Бүр зургийг нь тавьчихдаг юм билүү... хэхэхэ

БЭ said...

yostoi l kino shig yum neeren. endhiin zuragtaar bas yag iimerhuu humuusiig haij olood uulzuuldag neg nevtruuleg bainga garaad baidgiin. sayhany neg dugaar deeree baga baihadaa orgogdoj avsan geed neg korea ohin eej aavygaa haigaad. zus tsarai n l azi bolhoos yag l german hun. tegeed onooduul chin haisaar eej aavyg n olood uulzuulchihdag yum daa. buun uilaan mailaan. hunii amidral gej ih sonin zuil ih bolno shuu.
ps: neeren urilga aa ilgeesen shuu, huleen avna uu.

ganga said...

Sonin tuuhtei hun baina.Manjuuriin zarim hot yag oros dur to'thoo hadgalsan baidag gesen. Oros daraa ni japani no'loond baij humuus ni ali ali soyoliig mo'n tsus hadgalj baidag biz dee. Manai end Manjuurt to'rson oros hyatad heltei nastai dorno dahin sudlaach avgai yostoi ulger domog shig yum yaridag.

oyunaa said...

Sonirholtoi tuuhtei ovgon bna aa.

artagnan- артаньян said...

saihan l yum. saihan saihan humuus zunduu l baidag daa tee. setgeliig tejeegch.

Tsoomii said...

Hen hun tursun eej aavtaigaa uulzahsan gej bodoh l baih, Yopond ch gesen Hemletiin helj baigaa shig nevtruuleg baidag yum bailee, handdag humuus ch toogoo aldsan baidag gej sonsson. Usgusun eej ni sain hun yumaa.

meesh said...

ОРТ-р Жди Меня гээд олон хүн уйлуулсан нэвтрүүлэг байдаг даа.Тэрүүгээр нэг юу билээ Монголд хамаатан садан нь байгаа Оросд төрж өссөн Монгол хүүгийн талаар гараад байлуу даа байз мартчихаж хөдөө очиж хамаатан төрсөн эгч энэ тэрийг нь гаргаад л....
Гүрээ ах чинь тэрийг дууриаж Тэнгэрлэг оршихуйгаа хийсэн биз дээ.

A.Амарсайхан said...

Амьдын хагацал шиг хэцүү юм байдаггүй гэж, хөгшчүүл ярьдаг даа. Нас барсан бол хүлээж бэтгэрнэ гэхгүй шүү дээ. Үргэлж л уулзана даа гэж бодож, мөрөөдөж, дотно хүнээ бодолдоо дүрсэлж, элгээ эмтэлж явна гэдэг бэрх байх даа, зайлуул.

Оогий said...

Sonirxoltoi tuux bna

бж said...

Dain dajnaas bolood humuusiin huvi zaya yanz bureer ergeh yum daa...
Usgusun eej ni uhaalag hun baina.

Arsun said...

Заяа 1 минутын дасгалын сом-тыг vзээрэй.

Barimalch said...

Manaihnii deer uyiin 1910-40ood onii humuusiin tuuhiig yaruilah asar sonin baidag. Humuus ovoo, emeegiihee iimerhuu tuuhiig sain yaruilj temdeglej yavbal yur n yamar neg baidlaar heregtei baih.

Manai neg nagats ah 45 ond olzlogdson yoponchuudiin shorongiin zahiragch hiij yavsan olzlogdson yoponchuudiin tuhai tsoohon sonin sonin yum yaridag baisan.

Дeстини said...

Sayhan neg ajlaar Cambrdige orood butsahdaa tendhiin ongotsnii buudliin hoolnii gazar tur saatav. Tend neg tiim azi tsarainii (gehdee hyatad bish) huuhen uilchilj baiv. Minii am zagatnaad haanaas irsniig ni asuuj orhivol emee ni Mongol hun bolj taarsan. Ih l zovj zuderch us dalai damjin yavj, USA-d hul tavisan gej yarisan. Minii saitiin orshil dahi Zaya bo l chi shuu. Orood garaarai.

ZAYA said...

Комент үлдээсэн та нартаа их баярлалаа.
Тэлмэн: Германд иймэрхүү явдал их байдаг гээд манай нэг найз ярьж байсан.
Ганга: Та тэр настай хөгшинийхөө ярианаас оруулаарай. Сонирхолтой байх гэж бодлоо.
Оюунаа: Харин тийм сонирхолтой түүхтэй хүн байгаа биз.
artagnan-артаньян: Дарга, өөрийгөө сайн хүн болж өссөн гээд сэтгэл хангалуун байдаг юм билээ.
Сэтгэлийг тэжээгч гэж болох юм байна нээрээ.
Цолмон: Манай Монголруу ч гэсэн Япончууд хүмүүсээ хайдаг юм шүү дээ. Дамбадаржаад Япон цэргийн булш байдаг. Оюутан байхдаа хэд хэд очиж байсан. Улс төрөө гэж....
meesh: Нээрээ тэр "Тэнгэрлэг оршихуй" бас сайхан нэвтрүүлэг шүү.
Амарсайхан: Аймшигтай юмаа. Сэтгэлдээ их төсөөлдөг юм шиг байна лээ. Төрүүлсэн ээжийгээ одоо байвал байж болох насны хүн шүү гэж байхыг сонсоод их өрөвдөж байсан.
Оросууд чинь нөхөрт гараад нэрээ сольчихдог. Элчин дамжуулж сураглаж байсан гэж байсан. Өөрөө 60 гарчихаад ээжийгээ хайхаар чинь доод тал нь 80 гарчихсан хүн болж таараад байгаа юм. Гээд ярихын сонсоод амьдын хагацал аймшиг шүү.
Оогий: Харин тийм сонирхолтой түүх байгаа биз.
Ганаа бж: Энэ хүний хувьд бол Манжуурт үлдсэн бол бас тэс өөр хувь заяа угтах байсан биздээ.
Арсун: За
Барималч: Яг тэр үеийн хүмүүс огт юм ярьдаггүй юм ш дээ. Хэлмэгдүүлэлт гэж аймар юмнаас болоод хүмүүс бүр амаа хамхичихсан юм шиг байгаан.
Эзэн хичээнэ: Сонин сонин түүхтэй хүмүүс их байдаг юм шүү дээ.
Танайхаар очноо.

...Зөв явбал зөөлөн зөөлөн замбуулин...