Wednesday, December 5, 2007

Хуруу хошуу хоёр

Хуушуур бууз чимхээд
Хуруунууд завгүй байлаа
Хуниас чимхээс нь муудлаа гэж
Хошуу хажуугаас нь голоод
Энд ч гэрэлтжээ
Эгээл цоорч орхисонгүй
Тэнд зузаадаад
Тээглэж хахмаар болжээ гэв.
Эдвээр зэмлүүсэн хуруунууд
Эгдүү нь хүрсэн бололтой
“Ингэж муухай хийснийг минь
Идэхээ больж хайрлана уу?
Та, бидэнд үлгэр болгон
Тавыг хийж өгнө үү” гэв.
Идэх голох хоёроос
Илүү эрдэмгүй хошуу
Үлгэр үзүүлэх чадваргүй нь
Үзтэл ил байжээ.

Ш. Гаадамба
*** *** *** *** *** *** ***
"Унших бичиг-2" Сурах бичгээс авав.

11 comments:

byambaa said...

manaid iim humuus ih bgaa bhaa, yalanguya suuliin ued,

hun bur dor burnee uuriiguu hicheey dee,

peakfinder said...

yamar hoorhon shuleg ve?

Arsun said...

Хөөрхөн шvлэг вэ, энгийн мөртөө агуу.

Anonymous said...

xi xi xi..

Unknown said...

давгүй шүлэг шүү

БЭ said...

huurhun shuleg yum be, za baiz ene chin bidnii baga baihyn unshih bichig deer lav baidaggui baisan baih, ogt unshij baigaagui yum baina. hehe. tegehdee l bas hoshuug umuurmuur sanagdchihlaa. hoshuu baigaagui bol huruunuud ajilgui l bolno shde te. bie bienee uulj shilijgui evtei l baisan n ulziitei dee.

Түмэнбаярын Бум-Эрдэнэ said...

хөөрхөн юм бэ. Хошуу одоо яанаа.
Заяаа өөрийнхөө шүлэгнээс тавиарай хө

бж said...

Huue, bi l dutah gejiinshd.
Huurhun shuleg bainaa. Huuhduud harin yaj tusgaj avdag bol?

ZAYA said...

Комент үлдээсэн та нартаа их баярлалаа.
"Хуруу хошуу хоёр" манай хүүхдийн гэрийн даалгавар. Амархан, энгийн үгтэй мөртлөө хөөрхөн гүн утгатай болохоор хүүхэд дор нь цээжилчихдэг юм билээ.
Утгыг нь харин ойлгож байгаа юм болов уу? гээд асуутал, "Дандаа дэмий юм ярилгүй, бас юм голохгүй байх, хүний хийсэн зүйлийг хайрлаж байгаарай гэсэн үг" гээд л том хүн шиг ярьсан ш дээ. Багш нь тайлбарлаж өгсөн юм шиг байна лээ.
Хүмүүс өөр өөрсдийнхөөр хүлээн авч болохоор шүлэг байгаа биз. Ер нь унших бичгийн сурах бичиг дээр хөөрхөн хөөрхөн юм их байдаг юм билээ.

Unknown said...

хөө миний тухай шүлэг байна ш дээ энэ чинь

ZAYA said...

Хуруу: Тийм байна. Хэхэ

...Зөв явбал зөөлөн зөөлөн замбуулин...